Osmanlıca Çalışmalar

[Anonim]

Ey gurûh-i enbiyânın serveri

VEY Hüdâ’nın sevgili Peygamberi

Câm-ı aşkın içdiğim günden-beri

Yâ Rasûlallâh müştâkım sana

Yandım aşkınla terahhüm kıl bana

VEY: EY

[Anonim]

Zât-ı pâkin eylemiş Rabb Alâ

Kâfile salar-ı hayl-i enbiyâ

Hep tufeylindir gurûh-i evliyâ

Yâ Rasûlallâh müştâkım sana

Yandım aşkınla terahhüm kıl bana

[Anonim]

Tesaduf ınsanı baht ve saadet arabasına bındırebılır lakın o arabayı surmeye muktedır olamayan ya yerınden oynatamaz ve yahud devirir.

[Anonim]

Ahbabın en değersizi, ahbabı hakkında işittiği bir sözden dolayı, muhabbetten vazgeçendir..

[Anonim]

حاددن گچمش نزاکت یال و بال اولمش سكا
می سوزولمش شیشه دن رخسار آل اولمش سكا

Haddeden geçmiş nezâket yâl ü bâl olmuş sana

Mey süzülmüş şişeden ruhsâr-ı al olmuş sana

بوی گل تقطیر اولنمش نازك ایشلنمش اوجی
بری اولمش خوی بریسی دست مال اولمش سكا

Bûy-i gül taktîr olunmuş nâzın işlenmiş ucu
Biri olmuş hoy birisi dest-mâl olmuş sana

سحر و افسون ایله دولمشدر درونك ای قلم
زلف هاروتك دیمك ممكن كه نال اولمش سكا

Sihr ü efsûn ile dolmuştur derûnun ey kalem
Zülfü Hârut’un demek mümkin ki nâl olmuş sana

شويله گرد اولمش فرنگستان بريكمش بر يره
صكرا گلمش گوشۀ ابروده خال اولمش سكا


Şöyle gird olmuş firengistan birikmiş bir yere
Sonra gelmiş gûşe-i ebrûda hâl olmuş sana

اول بت ترسا سكا می نوش ايدرمسك ديمش
الامان ای دل نه مشكلتر سؤال اولمش سكا

Ol büt-i tersâ sana mey nûş eder misin demiş
El amân ey dil ne müşkilter suâl olmuş sana

سن نه جامك مستيسك آ يا كيمك حيرانيسك
كندك آلدردك گوكل نه اولدك نه حال اولمش سكا

Sen ne câmın mestisin âyâ kimin hayrânısın
Kendin aldırdın gönül noldun ne hâl olmuş sana

لبلرك مجروح اولور دندان سين بوسه دن
لعلك اوبدرمك بو حالتله محا ل اولمش سكا

Leblerin mecrûh olur dendân-ı sîn-i bûseden
La’lin öptürmek bu hâletle muhâl olmuş sana

یوق بو شهر ایچره سنك وصف ايتديكك دلبر نديم
برپری صورت كورنمش بر خيال اولمش سكا

Yok bu şehr içre senin vasf ettiğin dilber Nedîm
Bir perî-sûret görünmüş bir hayâl olmuş sana

نديم

Nedim

[Yazar]

Yazılar